NeoQuenya

Vinya Nó Poika Nén Yo Kelume Netien

solar_panel

Vinya aule autana ló minaþurindor mi Arávia ké poluva anta *elehterónea kelume ar imya lúmes *poita nén erumessen. I tanwe remba áre ar vista sa *elehterónienna ya *arrongo mene ter i singwa hya vára nén i kapsasse nún; i kelume *laukata i nén, potai i singi yo vaksi *hisyar; i *meniende tá atatya lan *maurea, hehtiéla poika nén i mettasse. Min i *ompassion ná sa i tanwe ké karina alta hya titta, antaila kelume ar nén ilye ostoin hya erye martanin.

Anyára Toina Kauma Tuvina Mi Leicestershire

*Minaþurindor utúvier anyára kauma Angalnóreo endasse, mi Leicestershire. I túvie valdea an i kauma *aldaparmallo karinwa loar *yutuxainen *neltuxa yá - toine engwi senyave queletyar ter i yéni, epetai rie *tinkine ar *kennassie tamnar termarir; mal si kauma, yalle *mamuti tuvine Siveriasse, né *vortaina mottosse. Sí eke lien kenda manen yáre tánor kárer taite tamnar ya anta men *ekesta hanya manen *yárontarilvar oiner yéni yá.


*aldaparma n. "tree bark"

*yutuxainen card. "two thousand" (Eldamo)

Púlima Serke Tuvina Mi Yára Rokko Lemmar

foal

Telda loas *lemmar wine-rokko ya oine koranári tuxainen kanaquain atta yá ner tuvine Siveriasse. I wine-rokko mai *vortaina an effírie *loxosse ya epetai nikune, ar varanye i kelvo mitye astar; epetai enke minaþurindoin *ettuke púlima serkeo míwa limba i rokkollo. Yuhtaila i serke, sí kénai ekuva tien enkuita i rokko (yuhtuvanente silúmea rokko ve kolindo). I métima *tenesta ná enkuitien i *mammot...


Liquid Blood Found In Remains of Ancient Horse

Vikin Kirya Tuvina Nu Kemen

*Vanwienduri utúvier Vikin kirya ya hame nu i kemen epe hya nó1 lári *otoquain hyarmenna i *hérostollo Oslo. Yuhtanente i kirya *nukemenya *terkendarínen, eke mon kene i kiryo kanta askénie i emmasse. I vanwienduri navir hamna taralyane or i kirya ya né nankarina apa lúme. Vikini *lillume *sattaner eteminye ennor - arani, tári - sérenna kiryassen as mainar yo harmar, ar i yondesse ya si kirya tuvina mo kime véle kirya-noireli.

Silindo, i Mistaila *Rando Atwe Thu, 03/28/2019 - 09:53
Jupiter and its Trojans

*Minaþurindor *entankatánier sa i *rando Silindo láne illume silúmea nómeryasse mi i *Anarya *Panasta.

Nóna ve helka rando amna *kanallume háya pella silúmea nómerya, Silindo rongo *menune alta lendaryanna ya xéyane tere koranari ototuxa húme tenna anyane i nóme imbe Karnil ar *Kormanil. Si enwa entankataina ló i kendare *pityarandoron kombion atta i *pepellar Anar epe ar nó Silindo imya rindesse. Tana pityarandoron ére áne i *sinwasse pá i rando ranya.