Lalaquenta

Lalaquenta

Forums

Aures er lusse *menune imbe lamani i tauresse: i Morko etékie "nahta-téma" ar matuva ilye lamani i nar i témasse. Haura þosse amápie i lamani, urúkier unquentannar ar lá veryanente hótule. Tá i Ráka lá polle ambe hora, ar méne i Morkonna.

'Morko, ma nánye i nahta-témalyasse?'

'Náto, nálye.'

I Ráka ninquinte, ar quente: '*Annúra á lave nin quete quettali nossenyanna nó matuvalye ni!'

'Tankave.'

I Ráka quente namárie nosseryanna, entulle i Morkonna, ye mante se.

Íre i Rusko hlarne si, olane lumba, ar méne i Morkonna.

'Morko, ma nánye i nahta-témalyasse?'

'Náto, náto, elye yú ná i témasse.'

I Rusko papane, ar ekestane i Morko: 'Annúra á lave nin miku onnanyar nó matuvalye ni!'

'Tankave.'

I Rusko mikune onnaryar, tá i Morko mante se.

Tá i Lopo uþúrie i Morko, ar maquente: 'Morko, ma nánye i nahta-témalyasse?'

'Náto, ilye lamani nar.'

'Ar ekuva lyen kénai *hópsare ni i témallo?'

'Tankave, manan vá?'

 


*menu- vb. "start, get started, start on the way"

*annúra adv. "at least"

*hópsar- vb. "rub off, erase"