NeoQuenya

Harwe Angal-Saxánea

helmet

Koranari kea yá nér kense resta ara Lichfield mi Staffordshire, Angalnóre, tinkove tamnain. Ya *mettas utúvies lane *aimanima tinko: nése maltave mainaron haura ya mine i amaltaron tuvina Angalnóresse.

I harwe *yore engwion tuxar, ar ambela kastar nelde *tion karmaron - *hérave langoron - astar ar mittar nar. Lá *kaptale sa i tamnar maltave: ilu pó ilu malta ná *úquélima (hya, arya, *hraiquélima), san lá rie mairea, mal *asakare ná *vortaitas tere yéni.

Kauma Lakénimasseva

Ké lamyas *úsávima, mal *autamor akárier terkénima kauma ya pole fanta  engwi kata sa (lan apantas i *katamen) ar vista te lakénime - laqui nante ambena i kauma, itas eke mon hententa te...

Maybe it sounds hard to believe, but inventors have made a transparent shield which is able to veil things behind it (while showing the background) and turn them invisible - unless they are closer to the shield, in which case one can spot them...

Fantie Anarwa To Silindo

Jupiter

Si *alasenya, vanima, ar *ráfima emma tana alta morna rinde to Silindo palúre. Náse Silindo *ráno, Io, leo hatina i *rando palúrenna lan fantanes Anar. Io ná faren laháya yo alta, ar Anar neme titta (an Silindo ná vahaiya Anarello), epetai Io pole aqua fanta Anar, ar i leo kanta laika.

*Tatallaima!


Solar Eclipse on Jupiter

 

I Kelúrea Tengwelamyaréva Kestale

first folio

I *Kelúrea *Tengwelamyaréva Kestale

 

*Lanéya lambengolmoli olaner keþyaine ekkeþien manen Shakespeareo tyalier lamyaner koranari *kantuxa yá. Hlarie i tyalíva *kelúrea *tengwelamyare kare kárima ista ambe pá i tyalier ar pá *tealentar. I lambengolmo David Crystal akárie minaþúrio úme ar opólie enkare epe hya nó quaistar nerte tengwelamyáreo. Yuhtanes lér nelde ekkeþe manen lie nyarner i tyalier:

 

Vinya Nó Poika Nén Yo Kelume Netien

solar_panel

Vinya aule autana ló minaþurindor mi Arávia ké poluva anta *elehterónea kelume ar imya lúmes *poita nén erumessen. I tanwe remba áre ar vista sa *elehterónienna ya *arrongo mene ter i singwa hya vára nén i kapsasse nún; i kelume *laukata i nén, potai i singi yo vaksi *hisyar; i *meniende tá atatya lan *maurea, hehtiéla poika nén i mettasse. Min i *ompassion ná sa i tanwe ké karina alta hya titta, antaila kelume ar nén ilye ostoin hya erye martanin.

Anyára Toina Kauma Tuvina Mi Leicestershire

*Minaþurindor utúvier anyára kauma Angalnóreo endasse, mi Leicestershire. I túvie valdea an i kauma *aldaparmallo karinwa loar *yutuxainen *neltuxa yá - toine engwi senyave queletyar ter i yéni, epetai rie *tinkine ar *kennassie tamnar termarir; mal si kauma, yalle *mamuti tuvine Siveriasse, né *vortaina mottosse. Sí eke lien kenda manen yáre tánor kárer taite tamnar ya anta men *ekesta hanya manen *yárontarilvar oiner yéni yá.


*aldaparma n. "tree bark"

*yutuxainen card. "two thousand" (Eldamo)