NeoQuenya

I Nulla Nakka Ya Kúva Harmar

Ilúvea *laukatáre umbe ná ya voro lihlikka kata i silúmea umbe *iluhímeo. Mal yú urre tulmar ké kolir *lahoraine *tyardar: yalle helke *tique ar *nanya *laukatárenen apanta ké engwi i kuvine nér nu sa. *Fornóresse, ara i osto Lendbreen, tára oron ya tensi tupina helkenen, mal sí i *tiquila helke *nanhalyane nulla nakka, ar *sasse tamnar hehtaine liénen i neldea hya kantea haranyesse. *Silu i harma lá malta, míri, hya mainar, mal ilaurie *yuhtamnar ve hyapati, pilini, *lossepanor, ente lanni *vortaine nixenen.

Aimor Koirie Nelde

SandorJozsefBenedek

I tolquea, neterquea, ar yuquain minya ré Súlimeo *maisinwe nar mí Mayar *auronótie. Nante i ré Sándor (Alexander), József (Joseph), ar Benedek (Benedictus), ar Mayaron úme tensi istar i yára *lienolwea eques "Sándor, József, Benedek, zsákban hozzák a meleget": Sándor, József, Benedek kolir áre pokosse, ya tea i epe hríve koirea áre senyave entule i arinye auressen Súlimeo (*amnúra naite nése nó i ilúvea laukatáre).

Undunenye Salquenori Ké Entuluvar

*Lafastaite ná ké íre lutila i earesse uile fasta mo talu, mal kelvaron úmin *undunenye laimar anvalde nár. Tane *undunenye salquenóri antar kauma yo már lingwin, *nappoin, ar exe kuimain, ar imya lusse nutir *hyulma, potai ienta aþya mahtale ilúvea *laukatáreo. Ananta undunenye salquenori amna aqua vanwe i falassie nenillor Angaldóreo, rie quaista lemya, i lemba nankarinwa *vahtalénen, *kiryampainen, ar ampaniénen hopassion. *Minaþurindor sí merir envinyataitat - okómiente uileron ar eárine salqueron erdi yai reruvante i hópasse Dale ara i falas mi Wales.

Lúmestar Morne Tolto Os Iþil

Yalo Atani utúvier sa Iþil *hetya menelwa hrondo ná xaraner lelya tanna. Yá hindo nén mo kimne imbi ammelde parmanyar i *nyarnon "Lenda Iþilenna" ló Jules Verne, yasse verke atalli lende Iþilenna *hatilesse hataina haura *hatarotsello. Epe *queanyelli Atan naitie anyane Iþil i *kúmakiryanen Apollo-11.

Koranarelli palla i kúmakirya Apollo-13 ata rinke anyaitas, mal *verehtale to i kirya tenge i kiryamor lá lertaner unta Ráno palmenna, ar mauyane ten *osta Ráno *katya palme tenna lertaner *menu mardar. *Xétanente *lúmestar tolto morniesse Iþilo leosse ya tankave rúkima né.