NeoQuenya

Polka to i Ramba

Pig-drawing

To i tolle Sulawesi mi Indonesia, mi felko *vanwienduri utúlier i tulumaite i anyára *tekemmaron apantaila kelva ná. I tekemma tekina karne vaxenen ar apanta polda polka arwa tumpo atta to kaserya i ké karkat nát. Or i polka eke mon kene *márunyat, ar lanna to i ramba ambe polkato *tekemmato*lemmar, nainalima amna queline tensi. I tekemmaron *fintale tea i karindo arimaite né. I vanwienduri navir i polkar tekine koranari *tuxainen *kanaquain lempe yá.

*Henka Menelya Autas

conjunction

Silindo yo Lumbar, i *randu, uo tarnet noa lómisse rongo apa andúne. I *ótarie rie nemestea né, an naitie Lumbar mene os Anar  lári *lindóre ambela Silindo, ananta lieron úme rinke hententa i randu i nemnet ve erinqua ankalima tinwe. Quelli navir sa véla autas virinye i Veltehem Eleno nyarnanna.

I menel lumba né noa andúnes sinome yasse oian, epetai lá enke men kenei ótarie, mal utúvien vanima emma karina *palantillanen. Ara Silindo i *rando *ránar kanta kénime: Europa, Ganymede, Io ar Callisto, ta ara Lumbar i *rána Titan.

[Emma ló Ed Piotrowski to Twitter]

 

Mana Nahtane I Aikalóki? Atwe Tue, 06/30/2020 - 10:41

Koranari *enquean-enquendóra yá haura autas nahtane ilye kelvaron yo laimaron*nelkasta, imbi exe ilye *aikalóki i lá poller vile. Aikalókion umbar ekésie lier i lúmello íre túver minye axontar nu i kemen. Ilye nóri nyarir nyarnar pá haure angulóki, epetai inte ar atani tankave enger uo imya lúmes, hya yáre atani yúyo túver aikalókion axor ar kárer nyarnar pá te.

The Fundamental Question of Ethics Atwe Fri, 05/22/2020 - 11:29
Gotta keep those translation muscles flexed, so here is a translation of a passage from a favourite fantasy novel of mine.
I Nulla Nakka Ya Kúva Harmar Atwe Thu, 04/16/2020 - 15:23

Ilúvea *laukatáre umbe ná ya voro lihlikka kata i silúmea umbe *iluhímeo. Mal yú urre tulmar ké kolir *lahoraine *tyardar: yalle helke *tique ar *nanya *laukatárenen apanta ké engwi i kuvine nér nu sa. *Fornóresse, ara i osto Lendbreen, tára oron ya tensi tupina helkenen, mal sí i *tiquila helke *nanhalyane nulla nakka, ar *sasse tamnar hehtaine liénen i neldea hya kantea haranyesse. *Silu i harma lá malta, míri, hya mainar, mal ilaurie *yuhtamnar ve hyapati, pilini, *lossepanor, ente lanni *vortaine nixenen.

Filikion Orie Atwe Thu, 04/02/2020 - 09:02

Firyaron úme ehehtanie ostor; *immenwaron sanga vanwa mallellor; mal neme sa kuimar *nanwapar ya sámer. Ostosse mi Wales *oronye *naikor untaner ununter i orontello ya tára ara i osto ar mapaner maller auvientanna.

Aimor Koirie Nelde Atwe Tue, 03/17/2020 - 12:27
SandorJozsefBenedek

I tolquea, neterquea, ar yuquain minya ré Súlimeo *maisinwe nar mí Mayar *auronótie. Nante i ré Sándor (Alexander), József (Joseph), ar Benedek (Benedictus), ar Mayaron úme tensi istar i yára *lienolwea eques "Sándor, József, Benedek, zsákban hozzák a meleget": Sándor, József, Benedek kolir áre pokosse, ya tea i epe hríve koirea áre senyave entule i arinye auressen Súlimeo (*amnúra naite nése nó i ilúvea laukatáre).