I came across Allama Iqbal's poem Two Planets the other day and thought I might give it a try. I rearranged the rhyme structure a little bit in the first half out of necessity.
The original was written in Urdu, which I don't speak, so I worked from the English translation. I can only hope I have not turned the poem into a game of Chinese whispers.
Si Harley. Harley linyenwa roa: oine ambe lá koranári yunque tensi. *Rehtamardello tulles máremmanna auri lempe yá. Linyenwa ké náse, titta *urukeníte ar *uruhlaraite, mal karaite. Sí ena páralme *minexo lér, mal ilya auris patalme ande vantar i *arayondesse. Merimme anta sen méla yo *aþyaite már telde koranarennar vehteryo.
*rehtamar(d-) n. "rescue house"
*minexa n. "(lit. one other), one another, each other"
*arayon(de) n. "nearby region, neighborhood, vicinity"
*urukeníte adj. "having poor eyesight"
*uruhlaraite adj. "hard of hearing"
Illi melir nandar – patare nandasse tuiles hya laires mine i ammélime felmion ná. Mal nandar yú valdie nar, yorila laimaron *raition úme i antar már píron ar *hlikkoron úven, ta yú antar mat nierin. Ente saminte enta *ompasse:i tumne nandar polir sirion luime epetai varya atanion mári. Taite nanda late ara i osto yasse harinye, ar erehtánies me rimbe lussen.
To i tolle Sulawesi mi Indonesia, mi felko *vanwienduri utúlier i tulumaite i anyára *tekemmaron apantaila kelva ná. I tekemma tekina karne vaxenen ar apanta polda polka arwa tumpo atta to kaserya i ké karkat nát. Or i polka eke mon kene *márunyat, ar lanna to i ramba ambe polkato *tekemmato*lemmar, nainalima amna queline tensi. I tekemmaron *fintale tea i karindo arimaite né. I vanwienduri navir i polkar tekine koranari *tuxainen *kanaquain lempe yá.
Silindo yo Lumbar, i *randu, uo tarnet noa lómisse rongo apa andúne. I *ótarie rie nemestea né, an naitie Lumbar mene os Anar lári *lindóre ambela Silindo, ananta lieron úme rinke hententa i randu i nemnet ve erinqua ankalima tinwe. Quelli navir sa véla autas virinye i Veltehem Eleno nyarnanna.
I menel lumba né noa andúnes sinome yasse oian, epetai lá enke men kenei ótarie, mal utúvien vanima emma karina *palantillanen. Ara Silindo i *rando *ránar kanta kénime: Europa, Ganymede, Io ar Callisto, ta ara Lumbar i *rána Titan.
[Emma ló Ed Piotrowski to Twitter]
Koranari *enquean-enquendóra yá haura autas nahtane ilye kelvaron yo laimaron*nelkasta, imbi exe ilye *aikalóki i lá poller vile. Aikalókion umbar ekésie lier i lúmello íre túver minye axontar nu i kemen. Ilye nóri nyarir nyarnar pá haure angulóki, epetai inte ar atani tankave enger uo imya lúmes, hya yáre atani yúyo túver aikalókion axor ar kárer nyarnar pá te.
Ilúvea *laukatáre umbe ná ya voro lihlikka kata i silúmea umbe *iluhímeo. Mal yú urre tulmar ké kolir *lahoraine *tyardar: yalle helke *tique ar *nanya *laukatárenen apanta ké engwi i kuvine nér nu sa. *Fornóresse, ara i osto Lendbreen, tára oron ya tensi tupina helkenen, mal sí i *tiquila helke *nanhalyane nulla nakka, ar *sasse tamnar hehtaine liénen i neldea hya kantea haranyesse. *Silu i harma lá malta, míri, hya mainar, mal ilaurie *yuhtamnar ve hyapati, pilini, *lossepanor, ente lanni *vortaine nixenen.
