astronomy

Silindo yo Lumbar, i *randu, uo tarnet noa lómisse rongo apa andúne. I *ótarie rie nemestea né, an naitie Lumbar mene os Anar  lári *lindóre ambela Silindo, ananta lieron úme rinke hententa i randu i nemnet ve erinqua ankalima tinwe. Quelli navir sa véla autas virinye i Veltehem Eleno nyarnanna.

I menel lumba né noa andúnes sinome yasse oian, epetai lá enke men kenei ótarie, mal utúvien vanima emma karina *palantillanen. Ara Silindo i *rando *ránar kanta kénime: Europa, Ganymede, Io ar Callisto, ta ara Lumbar i *rána Titan.

[Emma ló Ed Piotrowski to Twitter]

Si aia raiwe, si engwe ya neme ve kuluina andamundo helma ná naitie emma Anaro “palmeo”. I *palantilla Inouye ya tára to Hawaii akárie i emma ya ná venya minya arwa taite alta *askatiéo. *Sastanen i quetta palme imbe *eques-tehtat, an láse naite palme, *aryaquenta náse yasse Anaro úra *hisse ola *nelka ar potai kénima. I palantillo amalta askátie lári otso, epetai ere i kuluine mottoron alta *yúla-olla ve Texas. I mottor nar yasse i úra hisse orya ana Anaro orwe yondi, ta nanunta ter i ammorne astar.

Si *alasenya, vanima, ar *ráfima emma tana alta morna rinde to Silindo palúre. Náse Silindo *ráno, Io, leo hatina i *rando palúrenna lan fantanes Anar. Io ná faren laháya yo alta, ar Anar neme titta (an Silindo ná vahaiya Anarello), epetai Io pole aqua fanta Anar, ar i leo kanta laika.

*Tatallaima!

Solar Eclipse on Jupiter

*Minaþurindor *entankatánier sa i *rando Silindo láne illume silúmea nómeryasse mi i *Anarya *Panasta.

Nóna ve helka rando amna *kanallume háya pella silúmea nómerya, Silindo rongo *menune alta lendaryanna ya xéyane tere koranari ototuxa húme tenna anyane i nóme imbe Karnil ar *Kormanil. Si enwa entankataina ló i kendare *pityarandoron kombion atta i *pepellar Anar epe ar nó Silindo imya rindesse. Tana pityarandoron ére áne i *sinwasse pá i rando ranya.